Máis de 120 firmas acudirán este ano a esta cita na última fin de semana de abril, e na que tamén se celebrará a XXVI degustación do champiñón.
A Feira Multisectorial e de Maquinaria Agrícola Expoordes 2015 contará este ano con más de 120 postos dedicados a diversas actividades. Trátase de empresas, firmas comerciais, institucións e asociacións que contarán cun espazo propio no que amosarán as últimas novidades e onde darán a coñecer a súa actividade. Sectores como os da alimentación, automoción, construción, moble, medio ambiente, enerxías renovables, deportes, mecánica, téxtil, institucións e asociacións, entre outros, estarán presentes na que está considerada como unha das citas empresariais máis importantes da provincia.
Para iso o Concello de Ordes instalará unha carpa de arredor de 2.000 metros cadrados no Campo da Feira. “As cifras de Expoordes poñen de manifesto a saúde coa que conta a feira cos 35.000 visitantes que se contabilizaron o pasado ano”, manifesta o alcalde de Ordes, Manuel Regos.
O programa arrancará o venres 24 de abril coa inauguración do recinto feiral a partir das 21 horas. Un día dedicado especialmente aos empresarios e autónomos da zona, que estarán acomapañados polas autoridades. Todos e todas eles serán os primeiros en poder visitar as instalacións e desfrutarán dun viño galego na área especialmente instalada para a ocasión. Ao día seguinte a xornada estará especialmente orientada a exhibición da Mancomunidade de Municipios da Comarca de Ordes, contando coa presenza de alcaldes e autoridades destacadas de casda un dos sete municipios que a integran. Un protagonismo que neste sábado compartirase coa artesanía, xa que este ano Expoordes coincidirá cunha feira de artesanía que se instalará na Alameda e que terá continuidade ata o domingo ao longo de todo o día. Nela participarán un bo número de artesáns que esporán un bo número de creacións confecionadas con todo tipo de materiais naturais. Dende primeira hora da tarde a charanga Ruada.com será a encargada de animar o encontro ata a súa clausura ás 21 horas.
As portas volverán abrirse o domingo 27 a partir das 10 horas. A XXVI Degustación do Champiñón será o máis destacado. Bares, restaurantes e todo tipo de establecementos hostaleiros da zona repartirán de balde tapas e racións elaboradas con este produto. En total estímanse que serán máis de 7.000 quilos os que se preparen para ser degustados ao longo de todo o día por veciños, veciñas e visitantes. Ás 11 horas darán comenzo as exhibicións e probas de agility canina nas inmediacións do Campo da Feira. Outra novidade nesta edicións será a exhibición de vehículos de competición. Dentro dun enfoque mái cultural o grupo de gaitas Os Viqueiras de Ordes, a Banda de Música de Ordes e as charangas NBA e Mekánika axudarán a facer festa e a que os presentes se animen a botar algún que outro baile.
